Alles het irgend wo si Afang...

Daas Tattoo z'Basel isch e mega Hit

drum göön myr mit däm Trend au mit.

 

Nyämer het's am Afang glaubt,

daas dä Alass scho fascht uf Platz ayns abhaut.

 

Myr hän is vo de scheene Kläng au lo beriäre

und is vo dene Dudelsägg lo verfiere.

 

Nach langem stuune, loose, luegge und mitschwoofe,

hämmer nohär fascht nimme kenne schloofe.

 

Doch hammer Dängt, daas isch doch Schwäär

und trotzdäm muäss e sonä Yäbigstayli här.

 

Jetzt wäär e Sagg no cool..hämmer dänggt

und scho het dr'aynt em andere, zu Wiähnachte Ayne gschänggt.

 

Yberwältigt vo däm Gschängg hämmer natyrlig grad in d'Zuekunft dänggt

und so het sich natylrlig, au grad ä Sujet fyr d' Fasnacht ufdrändggt.

 

Und waas jetzt chunt, daas isch e Hit,

myr nämme daas Dayli an d' Fasnacht ayfach mit.

 

Nach langäm hii und langen häär,

hämmer g'mergt...ohh shit..daas isch no schwäär,

Ä Kostym z finde wo do passend wäär.

 

Doch het's e dudelnde Waggis mit velobumpi het's bis hüt nid gää,

drum wärde mer dä jetzt au nää.

 

Ä Waggis isch ä cooli Sach

und me isch es gwoont, daas är macht e huffe Chrach.

 

Fyr e Kilt het's layder nimme glänggt,

dä chund denn s'näggscht Joor hämmer dänggt.

 

Tattoo-Waggis diemer haysse

und dien is so, in d'Basler Gasse schmaysse.

 

(Ybrigens:...isch d'Baasler Fasnacht nit scho längscht

ayins vo dä 'grööschte Tattoo's vo dr Wält?)

 

2008 Tattoo-Waggis

Copyright by Tattoo-Waggis.ch All Rights are reserved.

Jetzt sin's scho 15 Joor!

Denn isch Morgestraych! 

 

2020 2. März

04:00h

 

2021: 22. Februar

2022: 7. März

2023: 27. Februar

 

D'Broschüüre vom Comité!
Lääse! Denn waysch wiie's und was an dr'Fasnacht lauft!
Broschuere_comite.pdf
Adobe Acrobat Dokument 1.4 MB

Myr mache an däre Stell gärn ä bitzäli Reklaame fyr's Comité.

Drmit me gseet, wäär und waas do au alles so drhinder steckt. 

Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache. 

Mac-Eagle Productions