Selfie...
wo, wenn, wäm oder liäber nit?
Waas e Selfie
isch, daas ways doch bald ä Jede.
Daas bisch "DU", wo sich mit däm Bildli in Mittelpunggt duet hebe.
Bi emene Belfie heb scho di Arsch in d’Kamera,
denn kennt "Dä" bald e Jedä...tri-tra-tralala.
E Drelfie isch e Selfie im Suff
und ä Nudie git am Ändi sicher ä riiiiiise Buff.
Well do nüm Jedä duet dure bliggä,drum
söttsch dr'überlege wäm du was wotsch schigge.
Stell dr voor, im Drelfie machsch e Belfie
und schiggsch daas dim Schef als Selfie?
Das DrelBelfie isch super scharf und glunge wo du hesch gmacht,
doch het di Schef do dryber nit wyrgglig glacht.
Äs isch veruggt fyr waas me hyt so alles uf e Uslööser druggt,
und was diä “Social Community” so alles schluggt.
Viili diän nit dryber nochä dängge,
wiä daas iir Läbe kennti längge.
Polidigger wo Nudies diän verschigge
und denn wiider iyr Image miän go fligge.
Jungi Mensche wo wäggä so ebbis nymme kenne lache,
well’s sotigi git wo Mobbing uf em Internet diän mache
und diä anderä denn yber si diän lache.
Drum...e Selfie chasch jo jeder Zyt ayns mache,
nur muesch wysse bi me ne Drelfie, Belfie oder Nudie kennte si yber di lache.
Drotzdäm findä myr e Selfie als Erinnerig e Hit
und nämme d’Kamera an d’Fasnacht mit.
Jedä wo duet aane hebe,
bringt mit däm, unseri Homepage zem bebe.
Uf em Facebook leen myr denn e Voting krache
und luegä wäär am mayschte Linggs duet mache.
Drum heebet aane und machet mit,
denn wird diä Fasnachtsaggzion e Hit.
Tattoo-Waggis 2015
Zeedel zum abälade!
Copyright by Tattoo-Waggis.ch All Rights are reserved.
Jetzt sin's scho 15 Joor!
Denn isch Morgestraych!
2020 2. März
04:00h
2021: 22. Februar
2022: 7. März
2023: 27. Februar
D'Broschüüre vom Comité!
Lääse! Denn waysch wiie's und was an dr'Fasnacht lauft!
Myr mache an däre Stell gärn ä bitzäli Reklaame fyr's Comité.
Drmit me gseet, wäär und waas do au alles so drhinder steckt.
Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache.
Mac-Eagle Productions
