Sujet....oje?

Myr site do, is rauche d' Kepf und fyle uns wiä armi Drepf. E Sujet muess ane, dass isch e so denn ohni ksch doch nit an d'Fasnacht go.

Myr hirnä hi und hirnä här doch ayns z'findä isch daas Joor schwär. Äs isch so viil passiärt und s'würd so viel Sujet gä doch wysse mer nit.... waas fyr ayns söllä mer na?

Äs git El-Firmenä, es isch e Gruus
dene fliässt monatelang s'El in d'Landschaft us.

Ganzi Gägegende diän si verschandle
und wyssä nit emol wie handle.

Waas daas fyr Folgge het dien mer hytte nonig wisse
aber diä dote Diärli und scheene Landstrich diän mer hytte scho vermisse.

Äs git Lyt wie e Gaddafi und suschtigi dummi Sieche
wo uf em Rugge vo yirem Voolg diem ume chriäche.

Si beriichere sich und bekemme dr Hals nit voll
doch jetzt änderet daas fyr diä und daas finde mir toll.

Do het's Typä wo in dr'Politik dien ume renne
und sich ganz toll dien Doggter nenne.

Doch dien diä Andere mergge....oh Schregg dä isch ä Hoole
dä het jo alles nomme g'stoole.

Von und zu duet är denn no haysse
und am Ändi nur bled us dr'Weesch use gnayisse.

S'git sottigi wo nur 50% vo yirem klayne Finger biäge
und dr fyr Millione griäge.

Kayne wayss worum daas so isch
doch isch daas halt so, bi dene groosse Fisch.

Yir seent do gits so ayniges waas uns duet blooge
drum hänn mer is so lang nach eme gaygnete Sujet miässä frooge.

Do gääbs no ayniges zem brichtä, daas isch nit glooge
doch dien myr aych mit däm jetzt nymme bloogä.

Jetzt mache mer s'Koschtym parat, denn gli isch Morgästraych
und den vergässe mir fyr drey Dääg dä ganzi Saych.

An dr'Fasnacht sin mer alli gliich
egal ob mer arm sin oder riich.

Frau Fasnacht duet is zämme schwaysse
und myr diän is Alli wäg em Gliichä in d'Gasse schmaysse.

Drey Dääg an nüt me dängge
mit Fryndä ä Glas Wysse schwängge

Drei Dääg freelig si
mit allnä fryndlig si.

Drey Dääg lang Forme, Farbe, Pfiffä, Drummle, Gugge, ayfach alles gniässe
und uf nyt me anders luegä myässe.

Daas isch Fasnacht, daas isch schen,
daas isch au dr'Grund, worum myr ane geen.

2011 Tattoo-Waggis

Copyright by Tattoo-Waggis.ch All Rights are reserved.

Jetzt sin's scho 15 Joor!

Denn isch Morgestraych! 

 

2020 2. März

04:00h

 

2021: 22. Februar

2022: 7. März

2023: 27. Februar

 

D'Broschüüre vom Comité!
Lääse! Denn waysch wiie's und was an dr'Fasnacht lauft!
Broschuere_comite.pdf
Adobe Acrobat Dokument 1.4 MB

Myr mache an däre Stell gärn ä bitzäli Reklaame fyr's Comité.

Drmit me gseet, wäär und waas do au alles so drhinder steckt. 

Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache. 

Mac-Eagle Productions