Goot d'Wält jetzt unter...?

Vor dusige vo Joor, schiins isch das woor,

Hän d’Mayas ä Kaländer gschriibe und dä ändet in däm Joor.

 

Är zaygt viiles yber e langi zyt.

Doch wiiter als 2012, daas goot Är nit.

 

D’ Wysseschaftler diän sich d'Kepf zerbräche,

worum, diä nit dien widder rächnä.

 

Worum hän diä mit däm nit widder gmacht.

Isch daas e zayche, daas Wält denne zämme chracht?

 

S'git diä wo sage Jo,

für die andere söll alles genau so widder goo.

 

S'git diä wo am liebschte alles wyrde verschängge

und nümme mööge an e Zuekunft dängge.

 

S git diä wo sich widder vom Gäld löön länggä und dängge,

dass s'sich scho widder duet zum rächte rängge.

 

Duet d'Wält is ächt Zeiche sände

und alles duet in Schutt und Äsche ände?

 

Duet si ys Wasser, Bebe, Kataschtrofe schigge

well mir bald dr letschti Daag diän erbligge?

 

All daas sin Froogä wo aynigi diän blogge

und si hän Froogä iber Frooge.

 

E Antwort wyssä myr au nit

und wysste mir si....sage däte myr si nit.

 

Myr geen an d'Fasnacht als wenn's diä letschti wär

das mache mer so jo jedes Joor, daas isch nit schwäär.

 

Wenn's Ändi chunt, daas wysse mer alli nit,

ob jetzt denn knallt oder au nit.

 

S'aynzig wo umeschwirrt in unsere Grinde

ob d'Fasnacht s'näggscht Joor statt dued finde.

 

Alles anderi diän myr uf uns zue cho lo

denn, s'Ändi chunt irgend wenn jo sowieso.

 

Bis dert ane mache mir ganz chräftig mit

und finde jedi Fasnacht e riise Hit.

 

2012 Tattoo-Waggis

 

Copyright by Tattoo-Waggis.ch All Rights are reserved.

Jetzt sin's scho 15 Joor!

Denn isch Morgestraych! 

 

2020 2. März

04:00h

 

2021: 22. Februar

2022: 7. März

2023: 27. Februar

 

D'Broschüüre vom Comité!
Lääse! Denn waysch wiie's und was an dr'Fasnacht lauft!
Broschuere_comite.pdf
Adobe Acrobat Dokument 1.4 MB

Myr mache an däre Stell gärn ä bitzäli Reklaame fyr's Comité.

Drmit me gseet, wäär und waas do au alles so drhinder steckt. 

Daas isch e mega Job diä Fasnacht z'organisiere und z'leite. Drum sin myr dr'Mayning, fyr daas darf me scho Wärbig mache. 

Mac-Eagle Productions