Sin mir jetzt Fremdäfaindlig?

Nö...nö, dass sin mir nit!

Myr Schwiizer sin e koomisch's Völggli

myr göön ayfach nid mit uf das EG Wölggli.

Do mache mer fyr alli d'Gränze uf

und scho hämmer e riise Buff.

Viili wään jetzt uf aymol zu nys cho,

daas eert is nadyrlig, daas isch e so.

Nur kennä mer nit alli nä,

do duet d'Schwiiz viil z'wenig Blatz här gä.

Sicher würdä mir gärn alli wo wän cho bi uns begriässe,

nur  wärde mir das in Zuekunft reglä myesse.

S git aynigi nit Schwiizer wo scho bi uns diän wohne

und au diä diän unseri Entschaydig zem grosse Teil mit Verständnis belohne.

Nur diä dusse, dass isch jo klar,

findä daas nit so wunderbar.

Si diän uns fremdäfayndlig schimpfe

und unseri Entschaidig mit böse Texte impfe

Si druhe....si drugge uns and Wand,

frog isch nur...wär het am ändi diä bessere Charte in dr Hand?

Aber daas het's Schwizer Volgg nit so welle,

s'het aigentlig nur sini Mainig welle in d'Urne stelle.

S'het nit well unfryndlig si,

nai, es het nur welle sage...

fyr eyeri EG Wynsch isch unser Schwiizerländli aifach z chli.

Das wird am Ändi nit so schlimm use cho,

nur wird's hald greeglet si und daas isch halt jetzt eso.

Jetzt din mir luegä was diä Politiker in dere Sach diän b'schliessä

und wie immer an dr Fasnacht,  d Basler Gasse gniessä.

Jetzt kemme die drey scheenschte Dääg

und do stöön sottigi fyr kayn im Wääg.

Äs wärde viil Bsueche natyrlig vo Uswärts cho,

daas wird ohni diä liebe Lytli an dr Fasnacht au niä go.

An dr'Fasnacht simmer all glich,

egal ob arm oder riich,

egal ob Schwiier oder nit,

wichtig isch, bring dini gueti Lune mit.

Drum kemmet alli und diänt das Thema jetzt vergässe.

denn diä Suppä wir am Ändi e nit so hayss gässe.

Kemmet alli und sind unseri Gescht

und fiiret mit uns daas wunderbaarä Fescht.

Tattoo-Waggis 2014

Copyright by Tattoo-Waggis.ch All Rights are reserved.