Ä dumme Peter ziet ins wysse Huus,

dass isch dr mega, giga, turbo Gruus.

Do dien myr nit viil Word verschwänd

und uns mit eme Filmli an euch wände.

Ä Filmli hät's sölle wärde und ä Sujetfilm isch es worde.

Drum dien myr jetzt Pynggt fyr ä <<<OSCAR>>> horde.

Kurz und Knaggig hämeren welle mache,

aber dä verboggt so viel, daas isch jo nid ganz bache.

Ab und zu isch är ärnscht und aber au zem lache.

aber luege ob daas so isch, dass myent ihr sälber mache!

Mit Bonusträk!

(Es isch also erscht fertig, wenn fertig isch! ...SMAYL !)

Dä Video isch nid luschtig.

Är het au kay Inhalt.

Isch voll Banal.

Voll unprofessionell.

Vor allem, vieeeel z'lang.

Durch daas, mega langwilig!

Das isch genau daas was myr wänn!

Ä langwilige Video ohni Inhalt, banal, unprofessionell und vieeel z'lang produziert z'präsentiere!

Häää....do hämmer jo voll gwunne!

Das isch jo daas, was dääglig am Fäärnsee lauft!

Denn isch unsere Video sogar fascht wiider profimässig!

Ihr gseent, ine luege wyrd sich viellicht sogar loone!

Ä Zeddel lääse goot ebbe glich lang!